‘Ammuntuli Bulang’

DIKBUDPAR21 views

Sanja Mangkasara
Karya : Syahril Rani Daeng Nassa

banner 970x250

MEDIAKTUAL.COM – MAKASSAR :

Rumallang labattu minne
Bajiki na kiapparuru
Ammuntuli bulang bajik
Na sabole-boleta akdoangang
Ammuntuli tahung pole
Ri tahung poleanna pole
Dasi na dasi pallabui umuruk

Ammuntuli bulang
Sumaraki anjari pannakasi nyawa
Na kisipammopporang
Attaja barakka bulang Rumallang
Lannying pakmaik tanabelo kapujiang
Bilang-bilang sikkirik tanirekeng
Apparrang tanikungkung
Pangngai tanibarangparekang

Rumallang labattu minne
Seorok kalabbirang
Appadongkok amalak kabajikang
Pappijappu tumappisabbia imang
Alla Ta’ala Karaeng Nisombayya
Nabbi Muhammad Surona Alla Ta’ala

Laailaaha Illallahu Muhammaddarrasullah

Barakka Laailaaha Illallahu
Barakka mangngantalai allo ri boko
Kajannangang kaminang sunggua.

Ballaparang, 19 Maret 2023.(red)

banner 970x250

Tinggalkan Balasan

Alamat email Anda tidak akan dipublikasikan. Ruas yang wajib ditandai *

News Feed